هەولێر ... پیشانگەیەکى شێوەکارى هاوبەشى مامۆستایانى هونەرمەند کرایەوە

ئەمڕۆ سێشەممە رێكەوتی 2025.1.14، بە چاودێرى د.ئالان حەمەسەعید، وەزیرى پەروەردە و بە ئامادەبوونى ئومێد خۆشناو، پارێزگارى هەولێر، ئەحمەد گەرمیانی سەرۆکی یەکێتی مامۆستایانی کوردستان لە هۆڵى گەلەرى میدیا، لە ژێرناونیشانى ( هەولێر لە نێوان دوێنێ و ئەمڕۆدا ) پیشانگەیەکى شێوەکارى هاوبەشى مامۆستایانى هونەرمەند کرایەوە.

لە کردنەوەى پێشانگەکەدا، کە هەریەک لە ڕاوێژکاری سەرۆکایەتی هەرێم و بەڕێوەبەرى گشتیى دیوانى وەزارەتى پەروەردە و بەڕێوەبەرانى گشتیى پەروەردە و ڕۆشنبیرى و هونەر و بەڕێوەبەرى پەروەردەى ناوەندى هەولێر و ژمارەیەکى دیکە لە سەرپەرشتیارانى پەروەردەیى و مامۆستایان و هونەرمەند و هونەر دۆستان ئامادەى بوون.