نامەی پیرۆزباییلە یەکێتی مامۆستایانی کوردستان - عێراقبۆ سەندیکای مامۆستایانی عێراق

بە ناوی خودای گەورە و میهرەبان

بەڕێزان،

جەنابی کاک عودةی حاتم العیساوی، نەقیبی سەندیکا،

بەڕێز جێگری نەقیب،

برایانی هێژا لە دەستەی ناوەندی سەندیکای مامۆستایانی عێراق،

سڵاو و ڕێزی بێ پایان،

لە یەکێتی مامۆستایانی کوردستان - عێراقەوە، بە دڵێکی پڕ لە خۆشەویستی و هاوپیشەیی، گەرمترین پیرۆزبایی خۆمان پێشکەش دەکەین بە بۆنەی ڕۆژی مامۆستایانی عێراق. ئەم ڕۆژە پیرۆزە، ڕۆژی ڕێزگرتنە لە ڕەنج و ماندووبوونی هەموو ئەو مامۆستایانەی کە شەو و ڕۆژ لە پێناو گەشەپێدانی نەوەکان و بنیاتنانی داهاتووی گەش بۆ وڵاتەکەمان خەبات دەکەن.

هاوکات، بە خۆشحاڵییەوە پیرۆزبایی مانگی پیرۆزی ڕەمەزانیشتان لێ دەکەین، مانگی خێر و بەرەکەت و لێبوردەیی. هیوادارین ئەم مانگە پیرۆزە ببێتە مایەی خێر و بەرەکەت بۆ هەموو عێراق و گەلەکەی، بە تایبەت بۆ کۆمەڵگەی مامۆستایان و پەروەردەکاران.

ئێمە باوەڕمان وایە کە مامۆستایان چرای ڕووناکی کۆمەڵگان و مەشخەڵی زانست و مەعریفەن. ئەوان تەنها فێرکار نین، بەڵکو بنیاتنەری کەسایەتی و داڕێژەری بیروباوەڕ و بەهاکانن لای نەوەی نوێ. وەکو لە دروشمی ئاهەنگەکەتاندا دەڵێن، مامۆستایان "پەنجەمۆری هەتاهەتایی لە کتێبی نەوەکاندا"ن.

لەم بۆنە بەرزەدا، پەیمان نوێ دەکەینەوە کە شان بە شانی یەکتر، بۆ بەرزکردنەوەی پێگەی مامۆستا و باشترکردنی دۆخی پەروەردە و فێرکردن لە سەرتاسەری عێراقدا کار بکەین. دەست لەناو دەستی یەکتر دەنێین بۆ سەرخستنی پرۆسەی پەروەردەیی و دروستکردنی نەوەیەکی زانستخواز و نیشتمانپەروەر.

دووبارە پیرۆزبایی گەرمتان لێ دەکەین و هیوای سەرکەوتن و بەختەوەریتان بۆ دەخوازین.

لەگەل رێزماندا ،

ئەحمەد صابر

سەرۆکی یەکێتی مامۆستایانی کوردستان - عێراق

١ی ئازاری ٢٠٢٥