(كازم كۆیی) مامۆستاو شاعیر بەردەوامە لەسەر كارو چالاكییەكانی بۆ منداڵانی كوردستان

رۆژی چوارشەممە رێكەوتی ٤-٧-٢٠٢٤ لە بارەگای مەكتەبی سكرتاریەتی یەكێتی مامۆستایان، مامۆستا (ئەحمەد گەرمیانی) سەرۆكی یەكێتی مامۆستایان و ژمارەیەك لە ئەندامانی مەكتەبی سكرتاریەت پێشوازیان كرد لە شاعیری ناسراوی كوردستان مامۆستا (كازم كۆیی).

 لەدیدارێكدا باس لە پرۆژەو كارو چالاكییەكانی مامۆستا كازم كۆیی كرا كەوا بڕیارە لەسەرەتای خوێندنی ئەمساڵ چەند چالاكییەك ئەنجام بدات، كە تیایدا سەرجەم كاروچالاكییەكانی تایبەت دەبن بۆ منداڵانی كوردستان، بەتایبەت بەرز راگرتنی رۆژی جیهانی منداڵان و چەسپاندنی مافەكانی منداڵان.