سەرۆكی یەكێتی مامۆستایان بەشداردەبێت لەئاهەنگی رۆژی جیهانی مامۆستایان

سەرۆكی یەكێتی مامۆستایانی كوردستان بەشداری لە ئاهەنگێكی تایبەت بەبۆنەی (٦ی ئۆكتۆبەر) رۆژی جیهانی مامۆستایان دەكات كە تیایدا كۆمەڵەی مامۆستایانی ئیمارات بەهەماهەنگی لەگەڵ رێكخراوی عەرەبی بۆ پەروەردە بەسپۆنسەری رێكخراوی (ادو فكرە - EDU FIKRA) بەڕێوەچوو.

بۆ بەرزراگرتنی رۆژی جیهانی مامۆستایان، مامۆستا ئەحمەد گەرمیانی سەرۆكی یەكێتی مامۆستایانی كوردستان لەرێگەی ئۆنلاینەوە بەبەشداری ژمارەیەكی زۆر لە رێكخراوی گرنگ و دیاری جیهانی بەشداربوو لە ئاهەنگی یادكردنەوەی ئەم رۆژە، كە تیایدا وێرای پەیامی پیرۆزبایی چەندین وتاری جۆراوجۆر پێشكەشكرا.

شایەنی باسە رێكخراوی (ادو فكرە - EDU FIKRA) رێكخراوێكی نێودەڵەوتییە لەولاتی ئیمارات گرنگی دەدات بە كەرتی پەروەردەو رۆشنبیری.