بەغدا.. پێشبڕکێی نێودەوڵەتی بیرکاریدوو منداڵی کورد پلەی یەکەم و دووەم بەدەستدەهێنن

بۆ یەکەمین جار دوو منداڵی کورد بە ئاڵای پیرۆزی کوردستانەوە لە گەورەترین پێشبرکێی نێودەوڵەتی بیرکاری هزری لە شاری بەغداد لە ڕێکەوتی ١٥-٢-٢٠٢٥ کە زیاتر لە ٤٥٠ منداڵ لە ١٦وڵاتی جیهانەوە کە ئەوانیش وڵاتانی (ڕوسیا، تورکیا ، ئێران، ئۆکرانیا ، ئەڵمانیا ، کازاخستان ، ئۆزبەگستان ، فەڕەنسا، تونس ، سعودیە ، یەمەن ، میسر ، چیک ، عێراق) تێیدا بەشدار بوون.

ئەم ساڵ توانرا (لاوی هەرێز) یەکەمی سەر ئاستی سلێمانی لەلایەن (م.بەڵێن هەورامی) لە پەیمانگای سلێمانی ڕاهێنانی پێ کرابوو هەروەها (عەبدوڵا پێشەوا) یەکەمی سەر ئاستی هەولێر کە لە لایەن (پێشواز شەفیق) لە قوتابخانەی کوردستانی ئایندە ڕاهێنانی پێکرابوو نوێنەرایەی هەرێمی کوردستان بکەن و بەشداربن لە پێشبڕکێکەدا.

لەکۆتایی ئەم پێشبرکێیەدا لاوی هەرێز توانی پلەی یەکەم و عەبدوڵا پێشەوا پلەی دووەمی پێشبرکێیەکەیان بەدەستهێنا.

بەناو یەکێتی مامۆستایانی کوردستانەوە جوانترین پیرۆزبایی خۆمان ئاڕاستەی هەریەک لە (لاوی هەرێزو عەبدوڵا پێشەوا)و مامۆستاو خانەوادەکانیان دەکەین.