بەسەركردنەوەی لقی سلێمانی یەكێتی مامۆستایانی كوردستان

رۆژی سێشەممە رێكەوتی ٥-١١-٢٠٢٤ شاندێكی باڵای مەكتەبی سكرتاریەتی یەكێتی مامۆستایانی كوردستان سەردانی لقی سلێمانی یەكێتی مامۆستایانی كوردستان دەكات و لەلایەن سەرۆك و جێگرو ئەندامانی لقی سلێمانی بەگەرمی پێشوازیان لێكرا.

لە دیدارێكدا باس لە كارو چالاكییەكانی لقی سلێمانی یەكێتی مامۆستایان كرا بەتایبەت دوای كردنەوەی بینای نوێی لقی سلێمانی ی.م.ك. هەروەها گفتوگۆ كرا لەسەر رەوشی پەروەردە و خوێندن لەسنووری پارێزگای سلێمانی.

هەر لەو دیدارەدا تاوتوێی پرۆسەی هەڵبژاردنی یەكێتی مامۆستایانی كوردستان كرا كە بەزووترین كات ئەم پرۆسەیە ئەنجام بدرێت بۆ خزمەتكردنی زیاتری چین و توێژی مامۆستایان بۆ ئەم مەبەستە هەموولایەك هاورابوون لەسەر ئەنجامدانی هەڵبژاردن و بەستنی كۆنگرەی یەكێتی مامۆستایانی كوردستان.

لەكۆتاییدا شاندی باڵای یەكێتی مامۆستایان هیوای سەركەوتن و بەردەوامیان بۆ لقی سلێمانی یەكێتی مامۆستایانی كوردستان خواست.