مەكتەبی سكرتاریەت سمینارێك رێكدەخات

27 تەمموز 2017


           لەزنجیرە چالاكیەكانی مەكتەبی سكرتاریەتی یەكێتی مامۆستایانی كوردستان، رۆژی (یەكشەممە) رێككەوتی (23/7/ 2017) لەهۆڵی شەهید حسیب سیامەنسوری سمینارێك لەژێر ناونیشانی (خود هەڵسەنگاندن) بۆ بەڕێز مامۆستا (عبداللە محمد مصگفی) رێكخست، لەسمینارەكەدا بەڕێزیان توێژینەوەیەكی خۆی كەلەماوەی رابردوودا  لەسەر خۆ هەڵسەنگاندنی لەگەڵ ژمارەیەك مامۆستا ئەنجامیدابوو كە لەشێوەی فۆرم و چەندین پرسیار ئاراستەیان كرابوو، لە چوارچێوەی توێژینەوەكە تیشكی خستبووە سەر ئەوەی ئایا مامۆستا چۆن دەتوانن لەگەڵ ئەو قوتابیانەی زیاد لەپێویست جوڵەیان هەیە چی بكات هەروەها لەبەرامبەر ئەو قوتابیانەی توانای وەرگرتنیان سنوردارە چی بكرێت، مامۆستای توێژەر بنەماكانی هەڵسەنگاندنی بەجوانی دیاری كردبوو لە سمینارەكە بەباشی خستیەڕٍو، پێویستە بوترێ ژمارەیەكی بەرچاو لە كەسایەتی پەروەردەیی كە پێكهاتبوون لە مامۆستای زانكۆ و بەڕێوەبەری گشتی و سەرپەرشتیاران و بەڕێوەبەری ناوەندەكانی خوێندن و مامۆستایانی قۆناغەكانی بنەڕەتی و ئامادەیی، ئامادەبوون بەسەرنج و تێبینەیەكانی خۆشیان توێژینەوەكەیان دەوڵەمەندتر كرد گرنگە ئەوەش بوترێ ئامادەبووان داوایان لەیەكێـتی مامۆستایان كرد، درێژە بەو سمینارانە لەبواری جۆراوجۆرەوە بدات .