یەكێتی مامۆستایانی كوردستان ئامادەی نۆیەمین كۆنگرەی حیزبی زەحمەتكێشان دەبێت..

05 ئایار 2017


رۆژی پێنجشەممە رێككەوتی 4 ئایاری 2017، حیزبی زەحمەتكێشانی كوردستان نۆیەمین كۆنگرەی خۆی لە هۆڵی وەزارەتی رۆشەنبیری (( قازی محمد )) بە ئامادەبوونی نۆێنەری لایەنە سیاسیەكان و 256 ئەندامی كۆنگرە ، كاتژمێر 10 بەیانی رێوڕەسمی یەكەم دانیشتنی بەڕێوەبرد، لە دەسپێك و دوای وەستانی چەند خولەكێك لەسەر گیانی پاكی شەهیدان، وتاری بەخێرهاتن خوێندرایەوە پاشان راپۆرتی گشتی پێشكەشكرا، ئینجا وتاری لایەنە سیاسیەكان و دواجاریش چەندین بروسكە ی لایەنەسیاسی و رێكخراوەییەكان خوێندرایەوە، پێویستە بوترێ‌ سەرۆك و جێگری سەرۆكی یەكێتی مامۆستایان ئامادەی رێوڕەسمەكە بوون، بە بروسكەیەكیش بەڕێوەبردنی كۆنگرەكەیان بەرزهەڵسەنگاند.